Қазақ жұмбақтары

Жұмбақтың ауыз әдебиетіндегі өзіндік орны ерекше. Оны зерделеу, зерттеу, жинап бастыру – игілікті іс. Кезінде қазақ ғалымы Сәрсен Аманжолов халық аузынан жинастырып, алғаш рет жұмбақтарды 1940 жылы Мұхтар Әуезовтің алғы сөзімен шығарған еді. Араға жарты ғасырдан астам уақыт салып, ғалымның ұлы Алтай Аманжоловтың көмегімен қазіргі жазуға көшіріп, 1993 жылы қайта басылған болатын.
Жинақ ғалымдар мен әдебиет зерттеушілеріне ғана емес, студенттерге, мектеп оқушыларына, жасөспірімдерге, сондай-ақ жалпы көпшілікке арналған.